Í gær þann 15. mars 2026 hélt Farsæld sinn fyrsta aðalfund frá stofnfundi þess þann 23. mars 2025. 

Farið var yfir helstu viðburði í uppbyggingu félagsins en sú þróun hefur gengið hratt fyrir sig því við stjórnvölinn og í athafnastjórahópi félagsins er einvala lið með mikla þekkingu og reynslu. 

Inngönguferli í Humanist International gengur vel og umsókn félagsins um skráningu hjá ríkinu er í nefnd. 

Við fengum ljóðalestur og söng en efst á baugi aðalfundarins var veiting heiðursviðurkenninga og tjáning þakklætis til til þriggja húmanista fyrir mikilvæg störf í þágu húmanismans á Íslandi. 

Jóhann Björnson hefur umsjón. Í málstofunni verður samræða sem aðferð í námi og kennslu skoðuð með hliðsjón af öllum skólastigum. Málstofan fer fram samtímis í Fundaherbergi RA og á netinu.

Málstofan er kjörin fyrir fólk sem hefur áhuga á stunda samræður, hvort sem er í skólastarfi, með börnum sínum, vinnufélögum eða vinum. Þátttaka er opin öllum.

Hlekkur: https://calendar.app.google/vJZrd9Jm6xsvCGof7 

Víða um heim er merking lögð í hin árlegu tímamót sólstöðu - á norðurhveli jarðar sem vetrarsólstöður þann 21. desember ár hvert. Hér hugar Svanur, formaður Farsældar, að því hvaða merkingu þær geta haft í huga húmanista.

Þann 17. desember fór fram fyrsta athöfnin sem athafnarstjóri frá Farsæld stýrði. Það var húmanísk útför. Athafnarstjórar Farsældar eru allir reynslumiklir og taka að sér nafngjafir, giftingar og útfarir sem fara fram í samræmi við húmaníska lífsskoðun. Nánari upplýsingar má sjá á síðunum hér um athafnir félagsins og grundvallandi hugmyndir. 

Sigurður Ólafsson, reyndur athafnarstjóri á Suðausturlandi og Akureyri hefur komið til liðs við athafnaþjónustu Farsældar. Félagið býður hann velkominn til starfa.