Nafngjafir
Öllum börnum er gefið nafn. Vilji foreldrar gera það formlega í hópi fjölskyldu og vina, er tilvalið að óska eftir athafnarstjóra til að gera viðburðinn hátíðlegri. Nafngjafir í húmanískri hefð þjóna þessum tilgangi og um leið er vakin athygli, með stuttri hugvekju, á þeirri siðrænu hugsun um uppeldi og fjölskyldulífið sem jafnan á sér stað þegar hugað er að framtíð barnsins. Athöfnina má krydda með fallegum táknrænum atriðum og jafnvel tilnefna einhverja nástadda sem verndara barnsins. Um þetta allt ráðleggur athafnarstjórinn í undirbúningsviðtali.
Verð nafngjafar er kr. 35 þúsund.
Félagar í Farsæld njóta 10% afsláttar (í heild).
Í gjaldinu er falið undirbúningsviðtal (staðar- eða netviðtal) og athöfnin.
Það geta átt við viðbótargjöld vegna aksturs ef athöfnin er utan heimasvæðis athafnarstjórans (um 20 km radius) eða biðtími skapast á athafnarstað umfram 1 klst. Sé athöfn á hátíðardegi getur átt við álag. Sjá nánar hér: Gjaldskrá athafna (pdf-skjal)